«Саясатты білетін адам әдемі өмір сүре алады» деп Аристотель айтпақшы, саясат адамзат өркениетінің бөлінбес бөлігі болып табылады. Адамзат өмірі дамуының өзекті, шешуші мәселелері түгел дерлік саясатпен байланысты. Саясат олардың мақсат- міндеттерін және құндылықтарын іске асырып, шындыққа айналдырудың негізгі құралы мен тетігі болып табылады. Саясатты білу, саяси белсенділік және саяси мәдениет халықтың да, биліктің де сапасын көтеруге көмектеседі. Осымен қатар, басқа да сұрақтарды талқылау мақсатында, ОНГ-19р-9 тобымен Тоқтабеков Есенгелді Жұмағұлұлы 10-желтоқсан күні «Саясаттану және әлеуметтану негіздері» пәнінен ашық сабақ өткізді. Сабақтың тақырыбы «Адам және саясат». Топ студенттері өз қызығушылықтарын көрсетіп, сұрақтар қойып, белсенділік танытты. Сабақтың соңында оқытушы алдымыздағы өтетін сайлауға тоқталып, көп ақпараттар беріп өтті.